Villa Villa Burger (已結業)

今日公司安排嚟鲗鱼涌呢边听左一日工作坊，完咗之后就拣咗呢间burger店慰劳自己。呢间铺店面小小却好有质感，令人充满期待。试咗个Villa Villa Burgerm再配咗cajun曲薯条同埋蒜香鸡翼蒜香鸡翼外脆内嫩，外皮有蒜香味道嘅炸浆，薄身够脆，特别惹味，鸡肉嫩嫩有汁，好食！至于主角汉堡包，材料包括双层安格斯牛肉，车打芝士，焦糖洋葱，生菜同番茄，配埋芥末酱，非常丰富。首先要大赞佢嘅patty肉汁系多到不得了又好有牛肉油脂香味，真系比好多汉堡包店出色，味道浓郁！二来系佢嘅汉堡包系墨鱼汁自家制，诚意满满，而且松软得嚟有一定嘅口感同厚度，赞。当然配埋车打芝士，焦糖洋葱同新鲜生菜番茄夹埋一齐食，邪恶度同满足感亦更加提高，佢个芥末酱都好正，总之个汉堡就系超满足到我嘅胃口，即刻觉得返完成日工有个refreshment!最后仲要食埋布满香辣粉嘅薯条，饱满嘅薯条，虽然系好邪恶但系作一个对自己嘅奖励，简直系完美！