Fauchon Paris Le Café (已結業)

赞咗先，店员服务勤快、有礼，令呢个下昼过得特别开心。散叫两份最平的茶餐连加一，必定平过食三层架餐。三层架连加一系185蚊，可以试到九款咸甜食物。重点系两个人些牙食，大家一齐肥！细细粒朱古力荣登全场冠军，入口即溶、香浓顺滑，带少少冰凉感觉，好正，好味过文华东方，唯一要挑剔系用黑朱就perfect。迷你三文治稳占第二，料多，包身够脆得嚟唔会刮损口腔。第三位系够晒酸柠檬批，醒胃一流。望到其他三层架上面柠檬批的位置，放咗绿色或红色的饼，个个唔同，咁每次嚟都可以试新嘢。热咖啡系意外惊喜，平衡的酸和苦，易入口。「咸点三宝」匙羹上的蟹粉配牛油果酱、一口鹅肝酱脆脆，加埋迷你三文鱼热香饼，主要喺提升成个餐嘅层次，味道正正常常咁啦。