鈴 · 鮨刃 (已結業)

老公生日，带佢食佢最爱既日本野，当然唔少得厨师发板啦。一上到去环境非常优美舒适。寿星公拣左个有刺身既set ,我就拣咗个15件寿司嘅set。有好精致嘅前菜，之后一个茶碗蒸。主菜就系睇住师傅亲手握嘅寿司，最难忘嘅系酱油赤身， 北海道元贝，赤虾同埋海胆寿司。每一款寿司都好新鲜，会试到唔同鱼嘅质地同埋味道，而且入口即溶充满油香，样貌精致，每一件都系艺术品。最后有一个汤同埋一个甜品。服务亦都一流。师傅会同我哋一边倾偈一边介绍食物，成个过程都享受。老公好满意，我哋都好开心。