Mee...lemongrass (將軍澳中心) (已結業)

马来蜜汁炭烧厚切猪扒配菜饭($72)，猪扒软腍，配埋干蒜有脆卜卜口感，可以点埋个酱汁带少少辣味更好食，至于菜饭可以食少少菜健康d。芭提雅虾酱炒饭($78)，虾酱份量调较得岩岩好，唔会令个饭太咸，𩠌菜则有类似扣肉既肉类，炆得好腍。软壳蟹米纸卷($68)，疏菜既比例较多口感爽，米纸皮口感烟韧，加埋软壳蟹既脆，三种层次口感，酱汁有少少酸味，一般系用越南鱼露汁。Mee...小食拼盘($158)，共有五款食物，串烧既沙爹汁调制得好正宗，有花生既香味，哩个拼盘春卷系我觉得最正，因为皮脆而且仲有少少热辣辣，其次系虾饼，够弹牙，用左十足虾肉制成，冇沟过其他肉。椰汁西米糕($28)，食泰国菜最尾一定要食返个西米糕甜品，感觉好似好圆满既一餐。