宴．鐡板燒 (亨環‧天后)

营业中

休息中

宴•铁板烧位于天后，地理位置优越，除咗方便之余，仲饱览维港景色，如果早少少到仲可以欣赏浪漫嘅日落🌅餐厅嘅食物都系行高尚路线，食材上乘，每一道菜嘅细节都做得好完美。开胃小菜已经有三款，当中我最钟意冲绳水云配松叶蟹肉。水云酸酸地非常开胃，松叶蟹肉好鲜甜，另外京都豆乳豆腐都整得好滑好香豆味，支豆茸栗子都非常有特色。第三度前菜用雪鱼片dip落明太子薯茸，香脆可口好食到停唔到口😋然后就到主菜，不论系淡雪盐及松露油调味嘅九洲真鲷、酱油配深海池鱼、右口鱼，材料都系非常新鲜，好有鱼味，调味亦都系恰到好处，唔会功高盖主。接住落嚟北海道帆立贝亦都系无懈可击，用紫菜汤舖底吸收咗帆立贝嘅精华，又清甜又解腻，帆立贝大大只又新鲜又弹牙，钟意海鲜嘅你一定食过返寻味！然后到一份熟食，淋返龙虾膏落烧龙虾肉，口感丰富鲜甜有咬口，火候刚刚好将龙虾嘅鲜味迫晒出嚟。最后加埋炒饭及野菜，成餐饭又饱又满足～总括而言，成餐饭嘅安排无论系环境、食材等都系回味无穷嘅体验，厨师悉心安排每一道菜嘅调味以及上菜先后次序，生熟亦都拿捏到位。如果想对自己好啲食返餐好，一定要试吓宴•铁板烧！