樂天皇朝 (利舞臺廣場) (已搬遷) 新店位置

一提起8色小笼包，我谂全香港都知道喺边间有得食，请真，八色小笼包我都食过好多次。因此今日来到铜锣湾呢间“乐天皇朝”我就唔想食小笼包啦，而系想试下第二啲美点。首先睇中嘅系"蟹粉炒饭"就咁睇个poster，真系好吸引，啲蟹粉差不多有80%铺晒成个饭面，实物来了，对比poster入面仲夸张系90%冚住晒，睇都咁吸引，咁食落肚呢？满满嘅蟹味充满成个口腔入面，又浓又香，对一个钟意海鲜嘅来讲系好满足。“萝卜丝酥饼“和“闻香葱油饼”都系即炸，热辣辣上台，个皮好香脆。萝卜丝酥饼手工亦都非常之好，纹理非常清晰，葱油饼外表一般，但入面啲葱，馅料配合得好，味道香口不咸不淡味道啱啱好。再来个dessert“豆沙锅饼”，好完满的一餐。