發哥粥底海鮮火鍋 (已結業)

之前食粥底火锅都系同朋友，原来女友一直未食过粥底火锅，所以今日带左女友去公司附近嘅发哥粥底海鲜火锅。龙虾餐只系$288，而且包埋前菜、炖汤、焗青口、甚至汽水任饮，每人仲可以叫八款火锅配料，真系抵到烂😱前菜系凉拌青瓜同花生🥜估唔到食粥底火锅都有炖汤🤩- 蒜蓉泰酱焗青口蒜蓉覆盖晒成粒青口，加上酸酸甜甜既泰酱，滋味尽在不言中😋- 冰镇鲍鱼🧊鲍鱼洗得好干净，肉质都爽口，不过配芝麻酱有少少怪🤨- 海鲜拼盘🦞拼盘有虾、带子、鱼片、蚬同我最期待既龙虾。龙虾啖啖肉，肉质仲好肥美。虾亦新鲜甜美，其他海鲜不过不失。我地煮海鲜之前，职员会详细讲解每款海鲜既烹制时间，确保海鲜唔会煮到老左👍🏻食完海鲜就可以打边炉！我地可以拣八款火锅配料，分量系二人份量，肥牛质素唔错，虾滑系自家制，肉质结实，味道几浓郁。煮海鲜既时候，职员提醒我地可以先放入粥底、南瓜粒同芋头粒。粥可谓吸收晒各种海鲜嘅精华，无任何调味料之下，粥底鲜甜绵滑，另外份量几多，每人至少有两碗份量。发哥海鲜粥底火锅系我食过咁多粥底火锅之中最抵食，海鲜质素中上，食物款式又多。发哥中午仲有超值午餐，观塘打工仔绝对不能错过！