Lab Made 分子雪糕專門店 (已結業)

行完the one最难控制就系自己对脚会不断向诺士佛台方向行，每次都会情不自禁去睇lab made有咩新搞作。哗正啊！今期味道好吸引！有金之莎，焦糖酱海盐牛奶脆脆，腐竹鸡蛋糖水，同埋椰丝斑兰蛋糕。平时食金之莎同腐竹鸡蛋糖水就食得多，用分子雪糕整成就真系第一次见，同朋友分享之下就叫左呢两只味。金之莎：食落口真系好似咬烂粒金莎咁，啖啖都有nuts同榛子酱既感觉，唔知真系以为眼前呢个雪糕球系巨型金莎。食落去感觉好厚身好实，个味道同口感真系做得好似，唯一唔同既系佢比金莎甜好多，咬落去有一粒一粒既糖，食完罪恶感爆灯！腐竹鸡蛋糖水：雪糕上面真系有平时食腐竹鸡蛋糖水铺面既白果(?)，好似好健康咁，唔觉得自己食紧雪糕。呢个比起金莎会软身啲，而且味道淡啲。腐竹味重过鸡蛋味，惊喜亦都比金莎少，比较适合钟意清清味既朋友。