辛安東元祖奶奶雞 (已結業)

次次嚟都好多人排队，攞飞都要等十几廿张枱，今次特登6点几就嚟食，终于畀我食到啦！对上一次食韩式炖鸡，已经系好几年前喺韩国食，事隔咁多年，一路对个味道念念不忘，唔知喺香港食系点呢？.//辛安东元祖奶奶鸡 (半只)//完美还原韩国食嘅风味！鸡肉嫩滑惹味，连其他配料都非常入味，炖嘅时间亦啱啱好，连平时唔食薯仔、萝卜同洋葱嘅我，都忍唔住清晒成盘嘢最钟意都系个粉丝，好烟韧好弹牙仲吸晒啲汤，劲入味！.// 鳗鱼玉子烧 //玉子烧就食得多，用鳗鱼做馅料就真系第一次食，虽然唔系好食鳗鱼，不过今次非常惊喜，冇谂过玉子烧同鳗鱼咁夹，而且非常Juicy！