灜鐵板燒

营业中

休息中

首先不得不赞师傅嘅专业，既可同时烹调多样食材，又可兼顾食客作互动👍🏻成餐饭就好似睇表演咁，尤其炒饭功架十足，睇住由白雪雪嘅米饭炒成晶凝通透酱香四溢真系好治愈。流晒口水好想食，可惜最近食得过份咗晚餐戒紧淀粉，唯有下次午市嚟食补偿返🥹炸池鱼仔细细条但胀卜卜，炸得非常香脆唔厚粉👍🏻鱼肉软嫩，连骨食埋都得。根本食唔停口，系我最爱嘅佐酒小食😍铁板赖尿虾够大只，背脊节节分明😍师傅已细心拆壳起肉，肉质鲜甜非常弹牙！总括而言呢间铁板烧环境宽敞，座位舒适。食物高质，要归功师傅处理得好👏🏻