Penthouse (已結業)

今日系铜锣湾行完街，去左间靓靓既餐厅食晚餐。餐厅系最顶楼，一入去，餐厅美景真系无敌。环境高雅，仲可以系度饮杯野，气氛超好。餐厅服务好好，帮你拉凳，坐低就帮你摆餐巾系大腿。叫左个12oz牛扒。牛扒黎之前有份面包食。以为系比牛油同面包一齐食，点知比左我最钟意既青酱。其实面包沟青酱先系最好味，酸酸甜甜，面包外脆内松软，个口感好好。食完个包，牛扒终于黎了，牛扒好大份，隔离仲有个烤蒜可以一齐食。一切开牛扒，牛扒既水份都出左黎，好juicy。入口个牛肉鲜味即刻出晒黎，呢个系我最钟意既七成熟！。牛扒既香料好足，斋食牛扒唔点酱汁依然咁好味，唔会单调。个人好钟意牛扒加埋蒜粒一齐食，烤左个蒜粒，阵好味好浓，加埋牛扒既鲜甜味，呢个配搭无敌！叫左碟薯角黎食。薯角加埋黑松露酱汁，正呀！外脆内软既薯角，好快就比我ko晒。今餐真系超值，无论环境，服务，食物，样样都掂。今日真系超开心。临走前见到原来间餐厅系米芝莲餐厅，难怪质素同我之前食既西餐厅完全唔同。