小火焰韓式咖啡廳 (觀點中心) (已結業)

依间餐厅其实好耐之前已经嚟过，果阵已经觉得佢起官塘嚟讲系属于性价比较高嘅餐厅。官塘本身少韩式餐厅，性价比高嘅就更加少。今次同朋友再嚟，发现原来餐牌已经转咗，加咗唔少新菜式。餐厅嘅人比我以前嚟果阵多咗好多，睇嚟佢起官塘愈嚟愈出名la。食物嘅款式都几多，有沙律、炸鸡、韩式拉面、饭面类嘅野食，连甜品都有好多款简。我同朋友惊叫套餐会食唔晒，所以最后简咗两个主菜加一个小食。野菜炒粉丝($68)粉丝嘅份量多到吓亲我地，佢唔只系粉丝嘅份量多，连配料嘅份量都好多。配料有椰菜、翠玉瓜、冬菇、鸡脾菇、秀珍菇……仲有d唔知叫咩名嘅菇😹所以食落味道同口感都好丰富。拉丝芝士香烧鸡翼伴泡菜炒饭($78)依个完全系打卡必叫嘅野食，芝士嘅份量极多，可以疯狂拉丝。炒饭唔会太辣，鸡翼有四只，加咗类似烧汁嘅酱煮，整体嚟讲唔错。炸鸡Combo($68)叫果阵以为得炸鸡同薯条，嚟到先知仲有炸年糕。炸鸡嘅酱都几辣，好有韩式嘅感觉。薯条预先捞咗蜜糖味嘅粉，好好食。年糕亦唔会炸到好硬，keep到烟韧嘅感觉。