沙嗲王 (官塘工業中心) (已結業)

6人行又去食正嘢～知道官塘沙嗲王又开返一定要去食下先～叫咗个至尊2人餐$253加6样嘢～餐汤叫咗磨菇汤～好creamy好浓白咖哩香茅猪扒饭好香椰奶味送饭一流～香茅猪扒好入味唔会干日式蟹粉豆腐锅超级咸～唔系好食到咩味～薄饼煎得算香口～但因为D蟹粉得个咸字整体好难食椒盐鸡软骨即叫即做好有咬囗跟餐仲有甜品～简咗朱古力同曲奇云呢拿脆虾棒皮脆又够虾味～唔会炸得好深色咁油淋淋韩式蜂蜜芥末酱鸡翼～依个个酱几特别唔系到到食到～但夹唔夹就见人见智蒜香烧鸡翼蒜香味浓几嘢味避风塘软壳蟹超多蒜～即叫即炸全只切件热辣辣超正即烧黑椒鸡扒沙嗲汤底拉面～鸡扒冇咩黑椒味但胜在够软熟沙嗲汤底一如以往咁浓～果然系沙嗲王脆炸虾球份量略少但虾味浓～配沙律酱好夹只从裕民坊𠮶间冇咗就几年都一直冇食过沙嗲王～今次食返仲好怀念会再食过