樂家蒸籠料理 (已結業)

夜晚去APM食饭, 经过呢间名叫乐家蒸笼料理既餐厅...睇门面就系日式餐厅风格, 睇餐牌介绍就话有"特色蒸笼菜式"同埋"特色乌冬", 谂住试下新野, 两个人咁就入左去! 一入到去, 晚上七点几既APM, 间间食肆都排晒大队, 唯独是呢间人都唔多个, 仲有位拣... 心知不妙 餐牌选择唔算多, 总括黎讲系有炸物, 炉端烧, 蒸笼食品, 火㶽同乌冬咁上下唔知口碑如何, 就是但点几个菜试下叫左蒸笼鸡+白饭+面豉汤, 豚肉乌冬, 吉列炸蚝同埋一支波子汽水特别一提, 佢地波子汽水有好多款式, 贪得意拣左泡菜味既波子汽水... 一饮之下... O晒咀! 饮汽水有饮泡菜汁既感觉, 都系第一次! 贪得意就无所谓 + 饮完汽水成口蒜头味好耐唔散, 要试记得带香口胶! 豚肉乌冬, 系阔条乌冬, 入口几滑 , 豚肉就悭皮啲, 得三块厚粉薄猪肉仔 吉列炸蚝, 不过不失蒸笼鸡+白饭+面豉汤虽然呢间餐厅主打特色蒸笼菜, 但随左个四方型蒸笼之外, 真系冇乜特色可言! 蒸鸡下面舖有一层什菇同菜, 清清地反而几好食 价钱唔算特别平, 但质数就真系差左少少, 个蒸鸡, 其实我走过两个街口落观塘啲茶餐厅可能仲有鸡味过佢,