入麵 (已結業)

石门京瑞都几多食店，其中的入面定位都几有趣，平日lunch time去都好多人买外卖，好彩等一阵就入得去！入面看似系普通台式面店但估唔到又有蒙古、马拉、川味嘅主食又有日式嘅捞面，本身只系抱住支持嘅心态去试，点知都几有惊喜！清酒猪手个汤非常重酒味，但食落个猪手入味得嚟又唔会令人觉得阵酒味太抢，啖啖充满脂肪同骨胶原，同埋只溏心蛋都唔错不过可以再流心啲，但明明应该好入味嘅萝卜就明显煮唔够耐同有渣略可惜。至于个面就系上海面质感，姜葱蒜油捞埋啲面都几甜，同埋都好饱肚！呢间绝对可以encore！