影片
更多
2024-03-29
2990 浏览
重庆大厦俾人嘅印象就南亚、印度人嘅大熔炉，不过，原来侧边地库层却有个大反转，变成一个好新簇嘅商场「庆坊」，里面开咗好多唔同特色嘅餐厅。半个月前先同老婆短短地自由行去咗一转越南芽庄，感觉非常之好，今晚嚟到「Ha Noi」再重温越式汤河捞檬嘅「味」力。餐厅门面嘅装修显得几骨子，入到里边，地方都几大，好阔落吓，一室光猛整洁，而入门口右边嘅墙画，尽显越南风情，喺焦点所在，此外，仲有少少越南相关嘅装饰物作点缀，感觉几唔错。翻一翻餐牌，选择都有几多吓，够多元化，由越式汤粉、捞檬、饭类、越式法包、米纸卷、沙律、滨海、小食，以及厨师推介嘅精选菜式，仲有啲非常抵食嘅2、4人套餐，转特饮都唔使加钱，正呀！总之选择非常之多元化，见啲套餐咁抵我哋就拣咗个平平地只卖$198嘅二人套餐。饮品方面，亦有好多嘢拣，越式特饮啦，沙冰啦，暖意风情热饮啦，顾及大众需要，都有啲基本嘅港式饮品。而点咗主食，都可以以优惠价加配饮品。枱面就放咗一啲特色嘅调味酱料，而餐具、餐纸、牙签等就放晌枱侧拉柜中，排列整齐，自由取用。越式手打炸虾饼（细）$33虽然点咗套餐，都有一份米纸卷，但见佢可以追加小食，价钱又唔贵，就好想试埋呢个手打炸虾饼
餐厅门面嘅装修显得几骨子，入到里边，地方都几大，好阔落吓，一室光猛整洁，而入门口右边嘅墙画，尽显越南风情，喺焦点所在，此外，仲有少少越南相关嘅装饰物作点缀，感觉几唔错。
翻一翻餐牌，选择都有几多吓，够多元化，由越式汤粉、捞檬、饭类、越式法包、米纸卷、沙律、滨海、小食，以及厨师推介嘅精选菜式，仲有啲非常抵食嘅2、4人套餐，转特饮都唔使加钱，正呀！总之选择非常之多元化，见啲套餐咁抵我哋就拣咗个平平地只卖$198嘅二人套餐。
饮品方面，亦有好多嘢拣，越式特饮啦，沙冰啦，暖意风情热饮啦，顾及大众需要，都有啲基本嘅港式饮品。而点咗主食，都可以以优惠价加配饮品。
枱面就放咗一啲特色嘅调味酱料，而餐具、餐纸、牙签等就放晌枱侧拉柜中，排列整齐，自由取用。
越式手打炸虾饼（细）$33虽然点咗套餐，都有一份米纸卷，但见佢可以追加小食，价钱又唔贵，就好想试埋呢个手打炸虾饼。炸得一身色泽金黄，咬落唔油腻，外层非常之脆口，里面就弹牙并充满虾嘅鲜甜味，沾上少少甜酸酱，食起嚟感觉更加清爽。
安南鲜虾纸米卷、田园灼时蔬（套餐）一向对越式米纸卷有少少偏好，尤其晌夏天食，贪佢入口清新，感觉更加凉快。米纸卷十分薄透，卷住生菜、米粉、青瓜、甘笋同大虾，紥得够实净，更撒上白芝麻，入口口感烟韧而清爽，食味丰富，再沾少少鱼露，添加少少咸香味就更正。最钟意喺伴住啲酸腌菜，令人更加开胃！
猪肉卷捞檬（套餐）主食方面，一客就拣捞檬，另一下就拣汤河，先登场喺猪肉卷捞檬，睇见啲檬粉份量十足。啲猪肉卷嘅卖相，睇落就无乜特别，但食落味道真喺唔错，香口唔油腻，富肉香㖞，非常好食；檬粉之上有大量甘笋丝、青瓜丝同花生碎，再到埋鱼露捞埋一齐食，实在清爽美味透心凉。
猪肉卷捞檬
4 浏览
0 赞好
0 留言
讲到越南生牛肉汤河，就喺既经典、又传统嘅汤粉之一。个牛骨汤浓香不腻，清香不渴喉，而河粉份量劲多，好似食极都有，口感够晒滑溜；生牛肉啱啱好浸熟，所以，入口口感嫩滑到不得了，却不失肉香。
生牛肉汤河
3 浏览
0 赞好
0 留言
生牛肉汤河
9 浏览
0 赞好
0 留言
老友就拣咗健健康康嘅蜜糖柑桔，虽然我无试，都闻到淡淡嘅柑橘香气，因为睇都睇得见落咗好多柑桔片，佢就话味道酸酸甜甜，感觉清新又清甜。
热蜜糖柑桔
2 浏览
0 赞好
0 留言
小弟就想饮啲冻饮，芒果类嘅嘢饮就合晒我心水，所以，拣咗呢杯椰汁底、加入西米、再铺上芒果粒粒嘅特饮。入口好冰凉，椰子味浓，西米添加少少口感，而啲芒果就好清甜。
食咁多嘢都喺二百松啲，真喺好抵，啲姐姐又好招呼㖞，最紧要嘢食有质素嘛！
张贴
