ISEE iSEE Handcrafted Icy Desserts (已結業)

好热好热好热好热，三十几度嘅香港焗到抖唔到气！上班族辛劳完一天，应该食啲清爽解热消暑嘅野！返工附近有间ISEE iSEE, 当然要去试返枝雪条啦！舖仔细细，但感觉好简约同宽敞，可能系一放工六点就黎，啲人去食饭，所以由入舖到走嘅时候一个客都冇。店内一个大柜show晒有啲咩雪条卖，种类都算几多，而且好多种雪糕都系有果肉，卖相几吸引。加上颜色七彩缤纷，靓！最后我地决定左要草莓北海道牛奶💰HKD42每枝雪条都会有个杯载住，而店完会帮我地喺杯上写名，都几好。由于我地想食一枝比较多人食，而且影相靓啲，所以拣左士多啤梨。食落唔会太酸唔会太甜，系牛奶嘅味道中和左草莓味，而果香味一啲都唔假，可见雪条用料应该都几真材实料。雪条唔算太硬，食嘅时候仲食到一粒粒嘅草莓籽，而果肉亦真材实料，唔酸，果肉增加左雪条嘅咬口。整体上，我觉得除左有好大粒果肉系gimmick外，味道唔算特别好食。仲要成42蚊支，定价未免太贵，即使真料实料，但定价实在太高。