影片
更多
2019-10-20
3035 浏览
我两公婆平日就一定晌屋企食早餐嘅，星期日亦因返聚会而晌屋企食，故此，逢星期六朝，我哋都定咗出街食，好好享受吓轻松嘅早餐时光。此外，出街食嘅日子就仲有喺晌假期日，今早，就衬假日，拉埋姨仔落嚟「京都荟」饮餐早午茶，话时话，虽然身为美孚街坊，都喺第一次嚟呢间酒楼。格局如好多酒楼咁，装修得富丽堂皇，前排中央有个大舞台，设咗啲音响、射灯，不过，望望啲地毡呀、枱布呀，都显得有点残旧，所以，相信唔多会有客人嚟摆婚宴，但好似啲地区组织、街坊联谊会、社福团体……等等，晌呢度搞联欢会就几适合，地方唔过大，又唔太细，楼底高，无柱位先好嘛。右边一排仲间咗啲厢房，最啱就喺摆啲生日饭、百日宴……等小规模嘅聚会，自成一角点热闹都唔怕太影响人。食物都喺啲点心啦，收顺亦印晒晌啲点心纸度，所以，就唔多讲。但值得一提，就算假日，都有唔少著数优惠，如「晨光第一击」$9.8嘅指定点心，只卖$28.8或$32.8嘅「醒神百搭组合」；此外，仲有啲午市套餐、特惠孖宝……等等，另外，茶钱$10位，加一就必然架啦。家乡煎薄饼 $9.8先点两客「晨光第一击」，皆因每款只喺卖$9.8，更喺无将货就价，睇件煎薄饼嘅呎吋就知啦。煎得唔错，个薄饼
格局如好多酒楼咁，装修得富丽堂皇，前排中央有个大舞台，设咗啲音响、射灯，不过，望望啲地毡呀、枱布呀，都显得有点残旧，所以，相信唔多会有客人嚟摆婚宴，但好似啲地区组织、街坊联谊会、社福团体……等等，晌呢度搞联欢会就几适合，地方唔过大，又唔太细，楼底高，无柱位先好嘛。
右边一排仲间咗啲厢房，最啱就喺摆啲生日饭、百日宴……等小规模嘅聚会，自成一角点热闹都唔怕太影响人。
食物都喺啲点心啦，收顺亦印晒晌啲点心纸度，所以，就唔多讲。但值得一提，就算假日，都有唔少著数优惠，如「晨光第一击」$9.8嘅指定点心，只卖$28.8或$32.8嘅「醒神百搭组合」；此外，仲有啲午市套餐、特惠孖宝……等等，另外，茶钱$10位，加一就必然架啦。
家乡煎薄饼 $9.8先点两客「晨光第一击」，皆因每款只喺卖$9.8，更喺无将货就价，睇件煎薄饼嘅呎吋就知啦。煎得唔错，个薄饼唔会太粉，够干身，又有啲脆边位。其次，混咗好多葱粒，好有葱香。
娥姐蒸粉粿 $9.8粉粿？干事后睇番张单，都真喺落咗粉粿，有无机会喺送错我哋就无深究，但我就觉得似喺乜乜乜蒸饺喇！咬开，无沙葛、无花生，取而代之喺鲜虾、甘笋丝、葱丝，几新鲜，饺皮薄又唔黏牙，当佢喺虾饺咁食，卖$9.8真喺坚抵。
南瓜鱼肚粥（A+C区组合 $28.8）啲孖宝系列咁抵，亦无理由唔嗌，先嚟一大碗粥，一身橙黄，入口都几有南瓜香甜味，质感亦都够绵，不过，肚肚就唔多，亦裁得好细粒，反而捞到大大嚿排骨，哈哈！
香煎萝卜糕（A+C区组合 $28.8）「A+C区组合」嘅另一款点心要咗萝卜糕，无话喺孖宝优惠就缩咗水，都照酒楼惯常所见嘅3大件。平常食嘅，啲萝卜丝都切到好幼身，但呢度啲就好粗身，不过，就好清甜，好有萝卜味，混入些少腊味，煎得亦都唔错。
翡翠带子肠（B+C区组合 $32.8）「B+C区组合」其中一款嗌肠粉，饮茶食点心无咗肠粉梗喺好似欠咗啲嘢咁。睇见啲内馅就知啲肠粉皮拉得够薄啦，亦唔无话好削身，里面包住啲珍珠带子同翠玉瓜，份量都占唔少。
蜜汁叉烧包（B+C区组合 $32.8）叉烧包就失望啲，虽然，个蜜汁底做得香浓，叉烧松化，又无乜肥肉，之但喺包身一咬已有个实实哋嘅感觉，缺少咗份松软感，可以讲喺唔合格。
酱皇蒸凤爪 $26.8由于姨仔钟意食鸡脚，所以，专登点呢味点心，亦喺唯一一款散点嘅点心，所以，相对价钱就无咁划算。幸而，做得有质素，味道香浓而惹味，垫底嘅花生亦够腍。
第一次嚟帮衬，印象唔错，地方阔落，喺有少少旧，但招呼几好，喺个叉烧包唔得，其他都食得称心，就算喺假日，又多抵食嘅选择。
张贴
