大戶屋 (已結業)

去完太空馆！要揾地方医肚！钟意日式餐厅通常好坐！而且有餐具比小朋友！呢间定食多！仲有儿童定食！所以有时食物之外！仲有好多原因影响我拣一间餐厅！尤其做咗妈咪之后！太迫太窄嘅餐厅啊会考虑！一坐低大人送上茶！小朋友送上暖水！已经知道细心！我叫吉列鸡扒配热乌冬：吉列鸡扒外脆内软！吉列皮好松！点日式酸甜酱好味！椰菜丝新鲜清甜！热乌冬烟韧，配海带食可以解吉列油腻感！最后系分大半比了肥髀！因为好味！但个定食前菜就唔得！白萝卜好辣！系喇口嘅辣！食唔到！而另外两样就正常！肥髀叫蛋包饭儿童餐：肥髀食晒！配苹果汁！仲有份玩具！小朋友点会唔钟意？不过我觉得饭面酱料多得滞！个薯茸我食咗少少！好味！日式餐厅厕所一定干净！两个人尖沙咀食餐午餐都系$160！好合理！