千両 (九龍酒店) (已結業)

行完诚品有啲肚饿，系时候呼唤我食lunch。早两日系旺角食完手卷心挂挂好想食寿司，今日一个人黎千両食个set lunch都唔系好过份😋Set lunch有寿司，饭及乌冬定食，便当，种类繁多。我呢啲大食既梗系拣万両定食啦😎寿司饭香软可口，完全唔冰冷，净比寿司饭已经分数几高。三文鱼寿司新鲜厚实，吞拿鱼油油亮亮有弹性，新鲜度高。油甘鱼香甜充满口中，鳗鱼相当惊艳，入口即化，皮滑脂丰富。赤虾弹牙肥润，相当滋味。旁边蕃茄酸甜清新，唔会因为系配角而随便。