簡單主意

营业中

休息中

尖沙咀揾食一向唔容易，游客区租金贵，好多餐厅但系性价比唔会高，所以次次要喺尖沙咀食饭都会好头痕。呢一日同👦🏻细细去开K11，喺加拿分道见到呢间「简单主意」，睇落价钱都几合理，就试一试啦！午市定食选择非常多，分咗唔同类，比较特别系有素食定食，跟餐有沙律同面豉汤/饮品。我哋拣咗吉列猪扒定食🍛，仲有中华糖醋猴头菇🍄定食（素)🥬，跟餐要咗玫瑰圆肉茶同埋黑糖珍珠奶茶。🧀吉烈猪扒定食🍛 $70大大块吉烈猪扒炸得好香脆，外皮粉浆算几薄，唔会食到成口粉，跟椰菜丝同粟米，都算系正宗日式食法，不过点嘅汁就唔系日式果种酱汁，只系蛋黄酱，同吉烈嘢都系好夹嘅。中华糖醋猴头菇🍄定食（素)🥬 $78或者可以叫做素咕噜肉😅，拣呢个系因为Menu张相好吸引，实物上台都冇令我哋失望😁。个汁就完全系咕噜肉个甜酸汁，再加埋菠萝同青椒，真系好似食紧咕噜肉一样🤭。饮品就算唔加钱都有唔同选择，我哋叫嘅两款饮品都只系加几蚊，喺尖沙咀游客区我觉得唔算贵，食物质素同服务都几好，呢啲小店真系要多多帮衬支持吓👍🏼。