夜館 (已結業)

今日谂住同朋友食个早饭，揾咗间人流冇咁多，系太子深水埗附近既餐厅食晚餐，6点就到左，佢既全日定食都几抵食，有埋味噌汤、前菜同生果，串烧都好有质素，仲要无加一。先黎清酒，天之户吟酿，闻一闻格外开胃，酒精味道不算浓烈，不会抢走食物味道，非常适合搭餐。不论配搭串烧还是鳗鱼饭，都能平顺自然品尝，口感滑顺。亲子丼有滑蛋同鸡，仲有d青椒、香菇、洋葱、紫菜既配料，非常丰富。滑蛋既色泽虽然唔算好靓，但食落同鸡一样好滑嫩可口，基本上每口饭都有主食或者配料相伴，丰盛美味。蒲烧鳗鱼定食既鳗鱼鱼肉细致，油脂丰富，肉身够厚，亦不会「嚡」口，似系即叫即烧，带点胶质又烟韧。日本珍珠米胀卜卜，形状短而饱满，煮得极好，分明且弹牙，富有米香，鳗鱼酱汁亦给得大方适量，刚好裹著饭粒，又不会太糊。每次去串烧店居酒屋都必叫牛舌、鸡肾。呢度啲盐烧牛舌($38)同鸡肾($28)有鲜嫩口感，经过烧制之后，香气四溢，软脆又带弹性的口感，咀嚼起来实在教人回味。蛏子嗌左两只，$68/只肥美鲜甜又鲜嫩，佢无用好多调味去整，但出黎既口感同味道都适中，爽口美味。