影片
更多
2022-03-05
4835 浏览
开张冇耐嘅Doraya中环店无论环境及地方都比铜锣湾店好好多座位多咗，地方冇铜锣湾店咁窄第日再去Doraya嘅话一定会再去中环𠮶间咪以为呢间日本餐厅只系有蓝鳍吞拿鱼出名我觉得其他食物质素都几正㗎今次唔食Doraya豪华丼定食 (虽然真系好正😋)叫咗两样之前我喺Doraya未试过嘅食物▫️海胆配蓝鳍吞拿鱼腩蓉丼定食 (HKD304)听到店员介绍当日嘅海胆系马粪后已经心思思想食 (好似都有一段时间冇食过)。系几款海胆丼之中拣咗呢款配吞拿鱼嘅。价钱同份量千祈唔好同你喺日本食过嘅比较 (日本真系价钱平份量又多)，只注重素质就够。海胆份量真系唔够喉㗎啦，不过而家喺冇得去日本嘅情况下呢间啲海胆都可以止到瘾😋😋 米饭可以选择寿司饭或白饭，我拣咗寿司饭觉得有啲醋味会令到个人开胃啲😂😂每份定食附有味噌汤、饭、小菜、茶碗蒸、渍物▫️炸鸡定食(HKD88) - 呢份定食我之前啲post已经讲过。不过到今次先发觉原来都几抵食，$88齐晒我上面讲嘅定食有嘅食物，炸鸡球仲要要系每粒都圆碌碌㗎。▫️香煎牛舌片(HKD48) - 烧牛舌片配啤酒就最啱！可惜餐厅暂时仲未有酒牌。
无论环境及地方都比铜锣湾店好好多
座位多咗，地方冇铜锣湾店咁窄
第日再去Doraya嘅话一定会再去中环𠮶间
咪以为呢间日本餐厅只系有蓝鳍吞拿鱼出名
我觉得其他食物质素都几正㗎
今次唔食Doraya豪华丼定食 (虽然真系好正😋)叫咗两样之前我喺Doraya未试过嘅食物
▫️海胆配蓝鳍吞拿鱼腩蓉丼定食 (HKD304)
听到店员介绍当日嘅海胆系马粪后已经心思思想食 (好似都有一段时间冇食过)。系几款海胆丼之中拣咗呢款配吞拿鱼嘅。价钱同份量千祈唔好同你喺日本食过嘅比较 (日本真系价钱平份量又多)，只注重素质就够。海胆份量真系唔够喉㗎啦，不过而家喺冇得去日本嘅情况下呢间啲海胆都可以止到瘾😋😋 米饭可以选择寿司饭或白饭，我拣咗寿司饭觉得有啲醋味会令到个人开胃啲😂😂
每份定食附有味噌汤、饭、小菜、茶碗蒸、渍物
▫️炸鸡定食(HKD88) - 呢份定食我之前啲post已经讲过。不过到今次先发觉原来都几抵食，$88齐晒我上面讲嘅定食有嘅食物，炸鸡球仲要要系每粒都圆碌碌㗎。
▫️香煎牛舌片(HKD48) - 烧牛舌片配啤酒就最啱！可惜餐厅暂时仲未有酒牌。
张贴
