聚賢莊川香農家菜

营业中

休息中

去亲宜安街食辣野必定会食呢间，之前食过同一条街嘅另外一间辣野，太多人好逼，味道觉得好普通。喺呢间野食过好多次，由两个2人餐都系$268，食到而家另外一个餐加左＄10由叫小辣食到中辣。我食到辣，叫中辣就正，食唔到辣就叫小辣啦。干锅田鸡真系好好食，最钟意食锅里面嘅洋葱同埋蒜头，入晒味！之后就会食肥肠，好肥，唔系个个人都钟意，不过我好钟意啲芥兰肉片就唔辣嘅，可以中和一下。跟两碗白饭, 再可以跟埋coke Zero，配辣野最好！每次去到𩠌嘅份量都可能有啲唔同，有时好多好多田鸡，有时唔系好多，不过一定会够食嘅！唔使加一，连加个饭盒都唔使加钱。