客家好棧 (大本型)

营业中

休息中

平时酒楼成日出一蚊鸡真系好鬼抵，虽然油塘冇一蚊鸡，但客家好栈出左10蚊半只贵妃鸡，所以都去试下啦。另外见到餐牌仲有 $128 天天有惊喜，其实系平少少有两个小菜，咁都试下啦，睇下系惊多定喜多。贵妃鸡 - 好快就上左贵妃鸡，分量都唔少，鸡偏咸，肉质正常，但个姜蓉系冇姜架，真系渣左少少啰。不过念在只系要10蚊，咁既质素都可以接受啦。砵仔蒸饭- 就系加左面个几粒粟米，其实都系普通饭一个。沙嗲金菇牛肉煲 - 唔好睇个样正正常常，我从来未食过咁难食的沙嗲金菇牛肉煲，除左个酱超杰超难食外，D牛肉仲要梅梅地咁，食左一啖之后已经食唔到第二啖，完全系「惊吓」之选。清蒸龙趸仔 - 分量同味道都正常，而且都几滑，算系值回票价。另外酒楼好明显人手不足，等左好耐先上菜。而且茶钱$11 位都唔平，仲要加一，但最难过都系食左人生最难食的沙嗲金菇牛肉煲。整体而言，系油塘冇选择冇竞争的情况下真系难怪咁既质素的酒楼都可以生存到。