粉果佬

营业中

休息中

粉果佬相信大家都听过下，今日就嚟试吓佢嘅粉果有几出色先，排队嘅人又唔算太多，因为佢哋预先都做好晒，所以只系等左5分钟到就得啦，我哋梗系嗌咗最出名嘅粉果同埋烧卖啦，佢嘅粉果睇落去同平时唔同，个形状好似饺子咁，系佢哋客家嘅粉果，第一啖咬落去嘅时候啲皮边可能冻咗少少所以会有啲硬，但其他地方又ok㖞😌😌，佢入面嘅馅料好香，我食得出有西芹嘅味同埋可能有萝卜先可以带出佢嘅精粹，虽然传统嘅粉果都系有呢啲材料，不过佢𠮶种味同传统粉果真系差好远，系好入味同好香，我唔系好食得出真实入面嘅馅料有啲咩材料喺度，总言之一句讲晒，正👍🏻👍🏻👍🏻之后到个烧卖，佢个外型同一般嘅烧卖冇咩分别，大细都差唔多，但你咬开之后佢里面就有好大嘅分别，你会见到佢系有好多嘅鱼肉，唔会厚粉，我几钟意呢个质感，但原来唔系个个都钟意😆😆