譚仔三哥米線 (西洋菜南街)

营业中

休息中

宜家呢个时候既lunchtime，就算系旺角既谭仔都系每枱得一两个人。平时连一位都要等位，大把人等外卖。不过街上面比起两个星期前反而多番d人，可能大家惊惊下又开始松懈。冇得work from home都冇计，揾枱最少人既枱，拿拿林坐低食完就撇。虽然黎食米线，我通常都系想食清淡少少，不过今日想食浓味少少既汤味，所以叫左个胡辣汤。呢个汤比起鸡肉，好似配猪肉片会岩味d。加多个东菇吸吸汤，同埋炸酱当小食，就岩岩好好。米线跟炸酱，炸酱份量会随叫送既种类加多而变少。今次叫左三送，个炸酱睇落好似比平时多，唔知系我错觉定咩。不过炸酱有冇多到都好，44蚊三送胡辣汤米线，点都系抵食。