客家人

营业中

休息中

话说我妈妈系客家人，虽然佢系客家人既身份，但其实佢唔太识煮好味既客家菜。一直以来，妈妈都好想煮餐好既客家菜俾我试下，但就整极都未尽如意。我就提议，不如我地两个人去揾间好食又正宗既客家菜餐厅食啦，于是，就俾我揾到呢间「客家人」。话明系「客家人」，当然菜式和味道都系同真正既「客家菜」一样啦。我地首先叫左个阿妈煮豆腐，不过今次就唔系我阿妈煮，系人地阿妈炮制的。食落认真系唔同，豆腐煮得恰到好处，绝对唔会过左火位，或者煮到水汪汪。加上阵阵肉碎，一口食落去有晒客家风味。豆腐非常顺滑，整得十分出色。之后就叫左个家乡小炒肉，餐厅用上红、绿双色椒炒肥猪肉，够晒镬气非常惹味。如果双色椒可以更加香辣一点，咁就会更加好味。最后就叫左个杂菜煲。一如以往，杂菜煲内有粉丝、西兰花、茹类等等材料，绝对唔会肥腻，可以同之前食左既肉类中和返，清一清个口腔。妈妈最后话，「客家人」煮出黎既食物真系有家既味道。