W&T Restaurant (洗衣街) (已結業)

2023年12月19日，晴☀️休息日去左花园街闲逛，行到饿就用OpenRice 个「附近」功能揾餐厅（懒）。发现到呢间W&T喺附近，转个弯就到就去望下，见到铺头入面好多植物装饰，价钱唔贵，就入去啦。叫左个午餐：柠檬奶油鸡扒意粉 + 热百香果蜜铺头几靓，等食期间就影下相，见图，野食到，相机食先，都系见图。意粉质地唔会好淋，个汁好好味，上面亦有D蟹籽，多一重口感，鸡扒肉质无特别，唔算差亦唔算好好，对得住个价钱既🍝热饮 百香果蜜都好饮，干燥季节滋润下🍯因为门口对正洗衣街，外面海量车，餐厅门口无玻璃、无隔音，食食下就会系咁听到马路边既声，系有D影响既，如果大家去呢间餐厅，可以试下request 坐入D ? 第一次去，又真系无留意到。