燒烤堂 (已結業)

每逢秋冬除咗烧下烧下同滚下滚下，一定会谂起串烧。心瘾起，咁岩谂起系角落既烧烤堂，就同朋友去试下。烧烤堂依个名一睇就知有串烧卖，鸡牛猪鱼海鲜蔬菜都齐哂，但其实除咗串烧，依到仲有好几款前菜刺身，小食同谷物类，牛油焗乜乜乜系列。饮品有啤有Ｗｉｎｅ有清酒，最岩Happy Friday嚟轻松下～我哋叫咗安格斯牛小排、墨鱼咀、芝士烟肉烧广岛蚝、蒜茸粉丝烧苏格兰蛏子皇、烧烤堂蒜茸茄子。牛小排烧得唔生唔熟岩岩好，墨鱼咀香口，而两款海鲜都新鲜，蚝够juicy，整体嚟讲肉食唔错，但最惊喜既系茄子，茄子开咗边加咗蒜茸同葱花系面，表面既蒜烧到金黄色，好香又脆，埋烧到软身既又多汁既茄子，口感唔错，不得了啊！加埋牛油芝士焗杂菇依个十分邪恶既组合，重口味人士必叫啊。 我哋仲另外叫咗软壳蟹沙律，软壳蟹炸得唔会太干，沙律系日式沙律，仲有鳗鱼玉子烧、鹌鹑蛋蟹子荞麦面。软壳蟹沙律有水准，而其他日式嘢，以烧烤店嚟讲几好。顺带一提，我哋贪得意叫咗翡翠螺刺身同生虾，估唔到依到连生嘢都ＯＫ，鲜甜！最后以日本一口甜薯同烧菠萝做甜品总结，依两样嘢无得输啊！