Kowloon East Kitchen (已結業)

同相识廿年好耐冇见朋友聚一聚，选择了大家工作地点附近的工厦餐厅，我哋好早上到去所以未有客环境真系好舒服(当然加上未有其他客所以好静)，我哋坐喺窗口边，少少凉吹住风咁食真系坚似去咗户外叹咁! 讲番D嘢食先，两个男人梗系懒得拣，就食佢个Set Din$338 二人餐算好抵，先嚟餐汤(甘笋南瓜忌廉汤)，个汤唔稀浓度啱啱好，仲有粒粒甘笋南瓜蓉，有少少o赵感最impress系呢个沙律，起初都系谂住普普通通沙律菜加酸酸甜甜醋咁，点知有薄薄既芝士带出香味，沙律菜本身好滑，食落都脆口爽口! 唔一定要咩都有，又蕃茄又粟米咁，简简单单反而好清新好好食!除咗个二人餐，我仲另外叫咗个头盘"风干火腿水牛芝士"我自己就好钟意食水牛芝士，又唔漏，加番parma ham真系超夹又Fresh，所以我一定话好食之后主菜上枱啦! 有8oz肉眼扒同埋vodka penne先讲块扒，配菜好简单! 最紧要件扒掂，我叫咗5成熟，外面睇个样煎的时间应该较得好适中，唔会太熟太热出哂烟。脂肪都唔算多，只系有少少位肥，煎出嚟特别香切开好易，里面呈粉红色啱啱好! 冇血水流出，入口唔干，Juicy! 冇血醒味，仲有好重牛味同好香调味(感觉似炭