HABO室內釣蝦場 (已結業)

HABO新蒲岗分店我已经去过好多次，近排知道佢哋沙田开咗分店㖞，咁梗系去玩吓啦，呢度嘅装修同新蒲岗分店有分别，沙田呢间系木系简约日式设计，感觉好柔和舒服～我哋一入去店员就安排我哋嘅位置，跟住好细心讲解钓虾技巧，示范俾我哋睇，经过佢细心嘅指导，果然学以致用，我哋只系短短玩咗1小时$140钓虾，其实好快都已经钓到，呢度仲可以将战利品加工，如果用盐烧就唔使另外加工钱，其他味就要加工费，例如我选择咗营地酱油烧大虾，加工费就要$30一斤～呢度仲有其他小食选择，例如：秘制酱油烧花枝丸$40、秘制酱油烧鸡翼$50～我本身好钟意去钓虾场玩，因为可以玩又可以食埋嘢，又唔使日晒雨淋，我哋已经book定位过两个礼拜又约咗班friend一齐嚟玩，哈！