影片
更多
2024-07-14
289 浏览
2024年6月24日 星期一今晚去咗观塘揾食，又去返尝试过嘅营足四季，之前食过佢嘅下午茶，仍然十分回味，今次就带埋老婆嚟试吓佢嘅晚餐晚餐餐牌比起下午茶有更多食物可以选择，小食同前菜都有好多种，价钱唔算太贵，所以我哋就要咗串烧、一个前菜同两个主食等待食物期间，老婆即刻喺餐厅周围打卡，因为见到成架露营车放咗喺餐厅里面，加上灯光同侧边嘅装饰真系好似置身户外露营一样，就连枱凳都系露营专用嘅等咗一阵小食拼盘就首先送到，就咁睇已经见到好丰富，放满晒成个碟串烧分别有猪、牛同鸡，烧得好香，点埋沙嗲汁一齐食更加惹味，肉质都好嫩滑，可惜每人每款食得一串，有少少唔够喉另外仲有烧菠萝，烧到外皮有少少烧焦，产生焦糖化，一咬落去仍然有好多水份，有自然嘅果甜拼盘仲有肉碎，可以用生菜包住一齐食，味道有少少辣，肉碎好够味，仲愈食好似愈开胃添跟住有清新柚子烟熏三文鱼洋葱pizza，啱晒夏天食，因为真系有柚子嘅香味，咬落去好清新，而且同烟熏三文鱼都几夹，整体上味道唔会太过咸最后仲有生焗泰式叉烧，同一般嘅中式叉烧好唔同，呢一款比较多肉汁，而且比较厚，肉味好浓郁，有两款酱汁可以点，个人觉得酸辣汁比较配合，更加有风味埋单每人二百
今晚去咗观塘揾食，又去返尝试过嘅营足四季，之前食过佢嘅下午茶，仍然十分回味，今次就带埋老婆嚟试吓佢嘅晚餐
晚餐餐牌比起下午茶有更多食物可以选择，小食同前菜都有好多种，价钱唔算太贵，所以我哋就要咗串烧、一个前菜同两个主食
等待食物期间，老婆即刻喺餐厅周围打卡，因为见到成架露营车放咗喺餐厅里面，加上灯光同侧边嘅装饰真系好似置身户外露营一样，就连枱凳都系露营专用嘅
等咗一阵小食拼盘就首先送到，就咁睇已经见到好丰富，放满晒成个碟
串烧分别有猪、牛同鸡，烧得好香，点埋沙嗲汁一齐食更加惹味，肉质都好嫩滑，可惜每人每款食得一串，有少少唔够喉
另外仲有烧菠萝，烧到外皮有少少烧焦，产生焦糖化，一咬落去仍然有好多水份，有自然嘅果甜
拼盘仲有肉碎，可以用生菜包住一齐食，味道有少少辣，肉碎好够味，仲愈食好似愈开胃添
跟住有清新柚子烟熏三文鱼洋葱pizza，啱晒夏天食，因为真系有柚子嘅香味，咬落去好清新，而且同烟熏三文鱼都几夹，整体上味道唔会太过咸
最后仲有生焗泰式叉烧，同一般嘅中式叉烧好唔同，呢一款比较多肉汁，而且比较厚，肉味好浓郁，有两款酱汁可以点，个人觉得酸辣汁比较配合，更加有风味
埋单每人二百几蚊左右，完全可以体验到露营嘅独特风味！！
张贴
