野玩海店 (已結業)

同同事系太子放工，行过始创中心见到间店几特别就入去试下。入面系以大自然为主题，杯都系用露营杯，而呢间分店就系以海为主题。首先叫左半打生蚝做头盘，个set仲有送两杯饮品，咁我地当然叫白酒配返个生蚝。生蚝都几新鲜，而都几肥，中等size，少少海水味，系我中意个款味道。之后叫左个周打蚬汤，佢用面包做碗装住d汤，个包浸住d汤吸收晒d味，好食又好饮，份量都几多。海鲜方面，除左生蚝以外，我地叫左个波士顿龙虾，龙虾啖啖肉，芝士溶系面，食落去同龙虾肉好夹。主菜分别点左一份set既肉眼扒，一个龙虾泡菜炒饭同埋黑松露蘑菇意粉。牛扒medium rare，肉质软熟，冇乜筋，肉味浓郁。我最中意个黑松露蘑菇意粉，黑松露好香，加上佢入面蘑菇份量十足，每一啖都咬到蘑菇，口感味道都有。