宮崎日式燒肉店 (已結業)

最近比较忙，难得约朋友一齐食饭，当然食得好啲啦，所以今日去到旺角试吓呢间宫崎放题！当日排队都算唔多人，好快就入座，食得放题第一件要事，当然系睇吓𠮶到有乜食！总共有八张餐纸仔：分别有寿司/卷物、炸物、乌冬面饭类、和牛羊架、地鸡、黑豚肉、海鲜同刺身。其实系拣紧嘅期间，宫崎已经好快将赠送嘅仙气牛同猪送到来枱面，系每两人限定送一款嘅高级肉，而咁岩同行朋友系寿星，所以又额外多一碟象拔蚌！真系好抵食啊！出餐速度其实都颇快，海鲜同刺身陆续上枱，我地都几惊喜，因为就海鲜睇落新鲜，而且大件！再讲放题唔少得嘅刺身都不俗，肥美而且份量都多，相当够食。不过讲咁耐，当然落炉烧先系重点啦。事不宜迟，先放咗只大虾落去烧，炉烧虾真系好香，而且啖啖肉；都未食完只虾已经等唔切要烧啲仙气肉泥食，真系一刻都唔想等。非常嫩，一啲都唔谐口，真系食等就出系高级和牛、而个猪肉烧得耐都仲系好软滑，唔系一般货仔。食物种类繁多，所以绝对唔怕唔够饱。同场我地都食左各式各款食物，个鳗鱼饭都唔错咖、海鲜都相当推荐可以狂点。饮品任饮，无须加钱。食得差唔多饱出去睇睇，原来仲有甜品、水果、关东煮。拎咗少量菠萝，食番啲水果个口立刻清新哂。最后以甜品作结