九龍坎麻辣火鍋

营业中

休息中

如果唔系朋友带路，都唔知一直以为系酒楼的大厦入面有得打边炉！位于油麻地，位置都几方便。朋友被佢宫庭风的设计所吸引，话要过来穿下汉服打下卡。餐厅的装潢、设计的确系几靓几特别，用的杯杯碟碟都好干净同埋好气派。餐厅最出面系食麻辣锅，我地就叫左麻辣锅拼蕃茄锅，麻辣锅唔算好辣，我唔系好食得辣都食到，但的确会越食越辣，朋友就觉得好够味。我食一阵麻辣就会食下蕃茄，叫左个牛，纹路都几靓，而个花雕鸡件就好新鲜，特别推介要食个腐竹，柔软而有豆味，最紧要系好挂汤，食到停唔到，另外白萝卜同鲜藕卡都好新鲜，同样好吸汤。另外鸡肝都好食，好弹牙，中意食辣可点。饮品点左百香果柠檬茶，唔会太甜，又好解辣。