影片
更多
2018-04-19
279 浏览
上次，朋友特别推介韩舍新出嘅<<韩式宫廷海鲜锅>>，又话材料上乘，海鲜出众等等。咁我同妹妹见今晚有时间，就决定上去一窥全豹。我地等左大约5分钟，就入得去啦！店内装修不凡，虽然睇落好简单，但又隐隐带点神秘感。踏入大门，我地就见到一个糕点柜，装住各式各样嘅布丁，朱古力Mousse cakes，芝士蛋糕之类......唔讲我地重以为行紧去甜品专柜添！虽然我地都好想即刻拎番几件甜品，但头脑清醒嘅我地，仍然好记得今晚黎韩舍嘅主要目的 -- 食海鲜!!!<<韩式宫廷海鲜锅>> - 每人$328妹妹想食得清淡少少，就order猪骨汤做火锅汤底。成个锅一上炉，我地忍唔住大叫出黎。因为躺卧中央嘅龙虾大哥，竟然突然爬左起身; 而隔离嘅海虾同面包蟹，都有蠢蠢欲动之态。好彩侍应哥哥眼明手快，即刻㩒实只龙虾，然后开火。大约煮左20分钟左右，成盘海鲜就熟哂喇!系淡淡嘅汤底包围下，扇贝，蛏子，鲍鱼等鲜味全部表露无遗。食左部分海鲜之后，我地都落力食番唔少蔬菜同秋葵，因为我地都支持均衡饮食嘛~食左咁上下，我地就去饮品吧拎野饮。值得一提嘅，系除左普通茶，汽水
咁我同妹妹见今晚有时间，就决定上去一窥全豹。
我地等左大约5分钟，就入得去啦！
店内装修不凡，虽然睇落好简单，但又隐隐带点神秘感。
踏入大门，我地就见到一个糕点柜，装住各式各样嘅布丁，朱古力Mousse cakes，芝士蛋糕之类......唔讲我地重以为行紧去甜品专柜添！
虽然我地都好想即刻拎番几件甜品，但头脑清醒嘅我地，仍然好记得今晚黎韩舍嘅主要目的 -- 食海鲜!!!
韩式宫廷海鲜锅
$328
38 浏览
0 赞好
0 留言
<<韩式宫廷海鲜锅>> - 每人$328
妹妹想食得清淡少少，就order猪骨汤做火锅汤底。
成个锅一上炉，我地忍唔住大叫出黎。因为躺卧中央嘅龙虾大哥，竟然突然爬左起身; 而隔离嘅海虾同面包蟹，都有蠢蠢欲动之态。
好彩侍应哥哥眼明手快，即刻㩒实只龙虾，然后开火。
17 浏览
0 赞好
0 留言
大约煮左20分钟左右，成盘海鲜就熟哂喇!
系淡淡嘅汤底包围下，扇贝，蛏子，鲍鱼等鲜味全部表露无遗。
食左部分海鲜之后，我地都落力食番唔少蔬菜同秋葵，因为我地都支持均衡饮食嘛~
食左咁上下，我地就去饮品吧拎野饮。值得一提嘅，系除左普通茶，汽水之外; 竟然重有一个「清酒自队区」，畀人大饮特饮。
我地食完海鲜火锅之后，就想涮下新鲜肉类。唔讲唔知，原来我地可以自由拎肉类做火锅材料架。
无论系咩口味，腌料嘅肉类，呢度都应有尽有。
如果想食熟食，呢度都一应俱全架!
至于寿司，刺身迷都唔怕无著落，因为大家可以随便因应食量，拎寿司同order刺身架。
三文鱼 (左) 鲍片(右)
19 浏览
0 赞好
0 留言
呢款就系我哋排长龙，先拎到嘅三文鱼同鲍片。我地好开心今次可以食到肥美鲜嫩嘅三文鱼腩。无错，系三文鱼腩呀，呵呵！！
炒雪糕
30 浏览
0 赞好
0 留言
食饱正餐，我地当然要食番个甜品啦！
行左一圈，我地发现自己可以根据口味，拣出棉花糖，朱古力粉等配料，炒出独一无二嘅士多啤梨雪糕。
𫠒鱼小丸子
19 浏览
0 赞好
0 留言
我系炒雪糕个阵，妹妹就系旁边自制𫠒鱼小丸子。
原来要简简单单烧几粒𫠒鱼丸子，真系一啲都唔简单。好彩最后佢都烧出几粒香喷喷，见得人嘅丸子出黎。
好啦，食咗咁多野，真系要「收手」啦！妹妹拎左一细杯爆谷，就笑嘻嘻咁挽住我只手离开啦！
张贴
