韓舍 (已結業)

同事最近话创兴广场9楼有间韩舍系食韩烧放题，食物质素高，环境重有酒店般瑰丽堂皇，一于星期六放假同honey去试试。一入去呢间韩舍感觉置身于酒店餐厅咁，环境优雅，光线充足，地方宽敞，座位舒适又阔落，每张枱上都有独立抽风系统，唔会令到成身都系烧烤味👍开放式睇到师父现场制作甜品另一角又系开放式处理成条三文鱼刺身、寿司，令食客感觉卫生食得安心。有自助果汁同多种咖啡供选择。最特别系有小朋友最喜欢的D.I.Y格仔饼、雪条、炮谷同叮叮蛋糕，见佢哋自己制作出嚟嘅食物好有满足感👏🏻食物琳琅满目，摆设干净又整齐。各种生嘅肉类腌得入味,入口感觉肉质鲜嫩，沙律菜够新鲜，冷乌冬清爽有口感。呢款木瓜红枣雪耳南北行糖水甜品材料十足甜度适中。同事今次真系冇介绍错，下次要拉大队再嚟食多餐。