冬蔭公公 (已結業)

冬阴公公好似执剩沙田呢一间，一个人食冇乜所谓，就求其入去叫咗碗粉食。张枱预先已经放定筷子同纸巾，两张纸巾都有污迹，我真系唔敢用。仲有佢嘅服务态度，呢间餐厅你可以形容为茶记嘅服务水准，但系里面有啲害群之马系低于茶记服务水准.....捧住两碗粉埋黎问我系A𩠌定B𩠌，咁嘈我根本就听唔到佢讲乜，我问佢问我乜嘢，佢就好晦气咁样重复一次个问题，而家系咪有奖问答游戏？答中先有得食？张枱三个人里面有两个人已经食紧，即系只需要一碗放枱，点解阿姐你唔睇下碗粉嘅枱号先放低，而要好悔气咁样问客人？味道方面唔错嘅。拣嘅两种𩠌同配菜份量都好足够，而且花生好香脆，令到碗粉色香味俱全。杯冻柠茶都有茶记嘅水准。综合来讲，只系一两个员工嘅低水准服务拉低左总评分，我会再帮衬嘅，我谂下次我会好彩啲遇返啲正常员工挂。