無辣不歡

营业中

休息中

夜晚回到大围，本来想食华x手撕鸡，可惜人比较多，要等就免了。经过无辣不欢，新开张，有荞麦面，相对较健康，一试无妨。其实望望下，就觉得麻麻哋。首先手撕鸡一大盘撕好唒放系室温，唔知放咗几耐。然后芝麻酱用的是日本牌子沙律汁，一吱落去就捞捞捞，对比其他舖自己调教下啲味就争啲啦。然后荞麦面用的是急冻一饼饼个啲，烚一烚，冲水龙头水过冷河。要了小辣。以事论事，鸡有脾有胸嘅，但得室温唔冻就认真麻麻，鸡味就无架啦。荞麦面正常，不过捞麻辣就真系唔夹，唔系咩都炒埋一碟就好架。再评辣汁，唔掂，辣同麻都有，个麻到痺，唔平衡，味微苦，多数系油温太高，干料炸㶶咗啦。整体而言，其实38蚊又唔贵，但我就唔会再食架啦，各方面都麻麻，或者叫麻麻不欢较好。