來佬餐館 (已搬遷) 新店位置

中环附近冇咩餐厅开得太夜，要医肚就黎左呢度试下。好耐之前已经睇过一个电视节目介绍。果然，呢度有宵夜套餐提供，啱晒少食多餐成日肚饿既我。套餐包括三款点心配一款主食。点心拣左来佬菠菜饺，虾子烧卖王同上海小笼包。主食就拣左银芽肉丝炒面。点心全部都热辣辣，除左菠菜饺有三件之外，其余两款点心全部都有四件呢！菠菜饺系真正既皮薄馅靓，小笼包入边有好多汁，烧卖又大大粒，总括黎讲点心质素不错。至于银芽肉丝炒面，面底系煎过既，好香脆。面头淋上银芽肉丝既汁，口感好丰富。