影片
更多
2023-06-30
343 浏览
今日同男友向旺角睇完戏之后都9点几10点，好多餐厅都last order了，难得揾到呢间开到凌晨三点，仲要系食我最爱嘅鸡煲，当然二话不说即刻上去试吓~ 估唔到我哋闲日夜晚咁夜先去，餐厅入座率都超过一半，睇嚟质素应该相当唔错~ 饿到不得了嘅我哋落完单就即时冲咗去攞嘢饮同雪糕，好开心有我中意嘅原味乳酪雪糕~ 食咗一两杯之后鸡煲就到咗~ 呢度嘅鸡煲都非常合我心意，调味正正系我钟意𠮶种浓浓嘅麻味同咸味，最好就系唔会太辣，真系令人一啖接一啖停唔到口我本人食鸡煲最唔钟意就系水汪汪𠮶种，当然要开头食浓味嘅鸡煲，后加汤打边炉先系最正~ 食完个鸡煲之后都饱咗一半，系时候要加汤打边炉，虽然好夜，但餐厅食物供应量都非常充足，唔会话乜都卖晒，所以呢度真系好适合一众夜鬼过黎，食吓嘢吹吓水，餐厅有唔少卡位都几好坐，两个钟眨吓眼就过
张贴
