重慶老巷 (已結業)

好钟意烧生蚝，味道啱啱好又冇腥味！水煮牛肉辣度适中，适合香港人口味！唔错！川味脆肠够爽脆但唔系我所爱！招牌蚝饼炸到金黄但感觉太油，如果芫茜多些少可以帮助中和油腻感！原条烧茄子都系我杯茶，好味！烧韮菜嘅孜然味够突出但要趁热食，否则冻咗会太韧！烧翠肉瓜多汁清甜，唔似烧嘅！烧原只鱿鱼筒和烧墨鱼咀冇咩特别！店家唔知系出错定诚意送多2串烧牛舌和烧猪颈肉呢？我都讲下烧牛舌啦！太咸唔够香！烧猪颈肉啖啖肉，但吸引唔到我！虽然贵咗啲，食宵夜抵食会更吸引，但系总体算唔错！如果有埋够镬气嘅炒米粉就会令成个宵夜完美喇！网上外卖平台送餐都好快下！