影片
更多
2017-11-16
2447 浏览
之前见到$98宵夜任食，即刻吸引咗，未细看之下去试了。究竟系咪真系咁抵？买单最终两人承惠$270。WHY？WHY?因为要加一同埋饮品唔包啰。如果你打边炉可以全程唔饮嘢，我只能说一个服字！咁埋单就每位$120左右。不过好似话满4人就送，我哋得两个人，唯有自己食自己。 讲番个宵夜任食先。汤底有三种选择：芫茜皮蛋、药膳、蕃茄。我要咗第一个。清清地，有芫茜味，算不错。至于嘢食方面，份量平既就俾多，贵既就俾好少。例如午餐肉多到好似成罐俾晒你。而肥牛呀、丸呀，每样得个四件。肥牛唔靓，无牛味，鞋十十，有多都唔想食。牛舌一流，好有牛味。羊肉卷有羊味，唔鞋。虾丸、墨丸都好弹牙，不过一粒等于平时食开既四分一粒。花枝片爽滑。鱼皮饺皮算薄，但只会俾两只你。叫咗一个叫王喉既食物，因为唔知系咩，贪得意试下，好爽脆，不过无咩味。Google咗，先知道系牛等家畜既大血管，系四川火锅中既一种食物。打边炉唔饮嘢我唔得，所以叫咗竹蔗水，无标明价钱，要问。$38。有少少竹蔗味，比街边即叫即榨既淡得多。另外，入座时枱面已有两碟小食，但你唔会想食，因为唔知放咗几耐。另一个小插曲系，我知道一开始入座人多，等十分钟未上食物情有可愿，
至于嘢食方面，份量平既就俾多，贵既就俾好少。例如午餐肉多到好似成罐俾晒你。而肥牛呀、丸呀，每样得个四件。
肥牛唔靓，无牛味，鞋十十，有多都唔想食。牛舌一流，好有牛味。羊肉卷有羊味，唔鞋。虾丸、墨丸都好弹牙，不过一粒等于平时食开既四分一粒。花枝片爽滑。鱼皮饺皮算薄，但只会俾两只你。叫咗一个叫王喉既食物，因为唔知系咩，贪得意试下，好爽脆，不过无咩味。Google咗，先知道系牛等家畜既大血管，系四川火锅中既一种食物。
打边炉唔饮嘢我唔得，所以叫咗竹蔗水，无标明价钱，要问。$38。有少少竹蔗味，比街边即叫即榨既淡得多。
另外，入座时枱面已有两碟小食，但你唔会想食，因为唔知放咗几耐。
另一个小插曲系，我知道一开始入座人多，等十分钟未上食物情有可愿，但等咗三十分钟都无，就唔正常啰。系廿分钟时问咗一次，佢叫我哋再等下。依刻已经有d火啦。到过咗三十分钟仲未来，水都烧干了，我哋再问。先有个人拿我哋张单去跟。咁啱另一个女侍应见到我哋未有得食，主动叫另一个跟下我哋d单，我哋道火先熄咗。到差唔多食完啦，第一张单既食物又无啦啦送上来，罢明头先唔系人多做唔切，而系漏单啦！
环境算ok，座位宽躺，有枱人食到过晒钟都好好态度服务佢哋。有两个女侍应好勤力好有heart做嘢。一开始时其中一个女侍应推介$198那个优惠的，唔知包唔包嘢饮，但已包加一及有海鲜。我觉得比这个所谓的$98抵食。只不过怪我没问清楚。要不然我会选$198这个。不过事隔咁耐，唔知仲有无$98宵夜了。
张贴
