Grill ขนทอง (駱克駅)

营业中

休息中

喺铜锣湾剪完头发，见楼下有间泰式碳火串烧好似几正，$20左右有一串，都大大串就绝对当做晚餐啤啤佢。叫咗杯生啤（$42）同埋柠檬蜂蜜啤（$45）配下串烧，个柠蜜蜂蜜啤都真喺蜂蜜味好强，每一啖都有啲蜜味回甘。前菜小食都叫咗个泰式酸辣凤爪（$36）同泰式酸辣猪颈肉沙律（$75），喱两度前菜嘅酸辣度真喺有啲辣，唔喺太食得辣嘅我，真喺觉得好刺激，不过钟意食辣嘅话应该会觉得好兴奋。另外同个frd叫咗个泰式串烧配炒饭杂菜（$75），串烧分别有猪，鸡，牛，三款里面猪同牛真喺好出色，牛肉烧得嚟好香又嫩滑，猪都估唔到喺咁软身，肥瘦均匀，额外仲配咗个沙嗲酱，喱个酱真喺画龙点精，灵魂所在，超好味。加多咗几串串烧，有烧鱿鱼、烧菠萝同烧鸡皮。鱿鱼都大大条，味道好足够，鸡皮亦都脆脆的，最值得一提嘅喺烧菠萝，菠萝真喺超好味同超甜。对于我嚟讲食完辣真喺解辣一流。