芝心糖人街 (已結業)

夜晚食芝士全餐做宵夜系小确幸，之前已经听好多朋友赞呢度嘅小食，今日一于嚟食个宵夜。先来一客 台湾盐酥鸡 ($30) 呢个系呢度嘅大热食品。盐酥鸡炸粉薄薄一层，炸得酥脆，咬落鸡块软熟有肉汁，颇有台湾风味。盐酥鸡有辣有唔辣，可随个人喜好选择，嗜辣嘅我就觉得辣粉可以再多一啲。特浓芝士捞丁($35) 芝士份量非常慷慨！ 满满嘅芝士酱铺满面上，呢只芝士唔系一般捞丁嘅芝士汁，偏向车打芝士味，所以有人觉得芝士味唔够浓，芝士汁「鲸」得几快，所以要衬热食。其实啲芝士汁可以唔落咁多，咁可能可以减却腻感。捞丁面质不错，而且仲可以拣两个𩠌，以呢个价钱系抵嘅。呢度好多款小食糖水都好吸引，味道不错而且价钱唔贵，性价比高啊，小店营业至凌晨两三点，反而中午唔开，大概下午三点先开。