彬記粥麵專家

营业中

休息中

第一次去食系因为𠮶日夜收工，好多餐厅已经收咗，男朋友就带咗我去食呢一间。呢度主要系食粥同面，但其实呢度仲有其他小食都几好食架。男朋友话呢度以前嘅姜葱鱼腩煲好好味，不过佢觉得依家差咗。今次系因为同朋友提起呢度有姜葱鱼腩煲食，佢话想试吓所以就去咗。一上菜时，已经闻到阵阵香味同埋听到个d 炸炸声，令我哋已经流晒口水，虽然我唔知以前嘅味道系点，但我觉得个鱼腩煲煮得都够干身，鱼腩好香口，又够滑，都算值得推介。另外我哋仲叫咗个爽脆鱼皮，之前系澳门食过觉得好好食，估唔到系香港都食到。鱼皮果然系非常爽脆，怕腥嘅可以加埋葱丝一齐食，点埋佢自家制嘅辣豉油汁，好味！！佢仲加左d 花生粒，食下鱼皮又食下花生，正😋😋而面食来讲，鱼蛋面同埋捞面我个人都觉得唔错。