燒烤工坊 (已結業)

寻日谂住食健康啲，于是自己煮，但原来食得太健康系会唔饱嘅，夜晚咁啱去开佐敦，临返屋企之前喺度买啲串烧当宵夜拎返屋企食。猪颈肉$13呢度啲串烧真系唔贵，猪颈肉都只系要$13。咬落去啲肉爽口弹牙，调味又啱啱好，非常香孜然味，越食越开胃。我都食咗几啖先记得影相。韭菜$12串烧黎讲，韭菜都真系算系我嘅最爱，口感又正，又索晒所有调味嘅香味。大大串韭菜，正啊。秋葵$16估唔到$16有五大条秋葵，可以话系最抵嘅食物。秋葵呢样嘢有啲人唔钟意食，有啲人好钟意食，而我就系好钟意食嘅。食五条真系好够喉。墨鱼咀串$26墨鱼咀好弹牙，系价钱比起其他串烧贵咗少少姐，但墨鱼咀真系夜晚必食。牛仔骨$33一份有四件，都算唔少，几香牛肉味同埋孜然味。新鲜鲍鱼（两只） $58鲍鱼烧得好香，口感弹牙，就算用调味料烧过都仲食到鲍鱼味，几正。秘酱焗花甲$78呢个啲花甲好多，同埋唔会出现有壳冇肉嘅情况，只只都有肉。呢只秘制酱汁好正，辣得黎仲好有香味，咸得黎又唔会好咸。食左咁丰富嘅宵夜，今次大满足。