影片
更多
2018-07-17
1622 浏览
老公公司又开始peak season , 日日忙到唔知几时收工，今晚终于可以早少少走，但其实都成夜晚9点半钟😑，好彩我先食定少少野，再等佢收工陪佢食返个日式宵夜😏😏之前一直食开一间浜烧日式料理店，知道佢地而家有做Omakase ,所以早2日打去book定，到时俾老公一个小惊喜，因为佢最近真系太辛苦啦！上到餐厅到差不多10点左右，人流都唔少，我地最爱餐厅装修好有日本居酒屋感觉，完全可以令人放松心情，好好享受。餐厅有好多卡位，私人度高，大大提高舒适度👍🏻👍🏻餐牌预先已经准备好，餐厅会预先问定客人喜好作调配，非常贴心。先order杯啤酒爽一爽先，枱面见到夏日限定冰啤，叫杯试下先梨味冰啤 - 面头冰泡口感特别，有少少碎冰feel , 梨味唔算太突出，容易入口。头盘前菜五点蟹肉煮冬瓜 - 冬瓜有少少蟹肉鲜甜味，味道清新。海老啫喱冻 - 口感特别，外软内爽，虾肉鲜美。红酒煮翘头 - 入口酸咪咪，令人胃口大开。煮螺肉 - 螺肉好有咬囗，味道鲜甜。小蜜瓜 - 即系小青瓜，预先渍制而成，味道酸酸甜甜又好脆口。刺身蜜柑鲷 - 日本宇和岛用蜜柑喂养嘅鲷鱼，入口有淡淡嘅蜜柑香味，不加任何调味直接享用，入口鲜嫩
之前一直食开一间浜烧日式料理店，知道佢地而家有做Omakase ,所以早2日打去book定，到时俾老公一个小惊喜，因为佢最近真系太辛苦啦！
上到餐厅到差不多10点左右，人流都唔少，我地最爱餐厅装修好有日本居酒屋感觉，完全可以令人放松心情，好好享受。
餐厅有好多卡位，私人度高，大大提高舒适度👍🏻👍🏻
餐牌预先已经准备好，餐厅会预先问定客人喜好作调配，非常贴心。
先order杯啤酒爽一爽先，枱面见到夏日限定冰啤，叫杯试下先
梨味冰啤 - 面头冰泡口感特别，有少少碎冰feel , 梨味唔算太突出，容易入口。
头盘前菜五点
蟹肉煮冬瓜 - 冬瓜有少少蟹肉鲜甜味，味道清新。
海老啫喱冻 - 口感特别，外软内爽，虾肉鲜美。
红酒煮翘头 - 入口酸咪咪，令人胃口大开。
煮螺肉 - 螺肉好有咬囗，味道鲜甜。
小蜜瓜 - 即系小青瓜，预先渍制而成，味道酸酸甜甜又好脆口。
刺身
蜜柑鲷 - 日本宇和岛用蜜柑喂养嘅鲷鱼，入口有淡淡嘅蜜柑香味，不加任何调味直接享用，入口鲜嫩清香。
金目鲷 - 鲜甜软嫩，外皮有少少弹性。
牡丹虾 - 虾肉爽口鲜甜，而且仲好大只😍😍
烧物
赤鯥舞茸卷 - 盛装器皿精致漂亮，赤鯥鱼油丰富，肉质鲜美，入口非常嫩滑，内里舞茸口感爽嫩，配上少少柚子萝卜茸，更添滋味！
炸物
稚鲇鱼天妇罗伴白粟米 - 稚鲇鱼鱼肉嫩滑细致，不过细骨都比较多，食嘅时候要小心一点，，入口有少少甘甜味，白粟米多汁鲜甜，鲜味爆登👍🏻
浜烧
黄金蟹盖伴黑鱼籽 - 蟹盖入面有蟹膏，蟹肉，蟹籽，牛油等，先慢慢烧烤再拌匀，原来加咗牛油会更加软滑，之后再烤脆法包上碟。先将蟹膏放上法包再自己加上香葱，黑鱼籽，入口香味浓郁，整个蟹膏味留向口腔久久不散，超好味呀😍
日本山葵雪糕
第一次食山葵雪糕，入口wasabi 味唔算太浓，有浓浓奶香味，点知到最后竟然有股wasabi辣劲停留在脷上，转眼就消失，好刺激啊😆😆
老公好满意今晚既特别宵夜惊喜，仲话估唔到呢度都有Omakase 可以食😋
张贴
