爹仔串燒

营业中

休息中

宵夜时间打算买外卖去朋友屋企食，行经呢间串烧餐厅，决定买少少上去试下个口瘾买咗烧鱿鱼须，牛仔骨，台湾黑椒肠，司华力肠同鸡肉串。串烧上到朋友度仲系热辣辣，外皮烧得够香，而且佢嘅独家沙爹酱汁都非常之好食，食到好香嘅花生酱味，又有唔同辣度可以拣。牛仔骨都烧得好啱火喉，一啲都唔韧，份量又多，食落有牛肉味，有啲肉痴住骨位，食落有咬劲，咬下咬下，啱晒我口味。两款肠仔都好好味，虽然台湾肠畀司华力肠细条，但系台湾肠嘅味道更加突出，而且口感完全唔一样，台湾肠食起嚟比较油d，肉脂肪较多嘅口感，加埋黑椒香味，零舍好食。不过司华力肠极都系我细个嘅回忆，大条又啖啖肉，好味道，加埋酱汁，一流！至于烧鱿鱼须同烧鸡肉串同样滋味，食起嚟一啲都唔干身，鸡肉都好够嫩，而且外皮烧得够香，好后悔只系买左一串，太好食。绝对有下次！